التقييم 5/5
كتاب تحفة. الكتابة تحفة. الغلافة مش تحفة خالص!
الكتاب انا بعتبره النسخة المكتوبة من برنامج إسعاد يونس “صاحبة السعادة”. هو بيستهدف الناس المولودين في فترة الثمانينيات والتسعينيات. بيفكرهم بالحاجات اللي كانوا بياكلوها ويسمعوها ويتفرجوا عليها وهما صغيرين. الحاجات والشخصيات اللي أثروا في وجدانهم.
أكلات، وبرامج، ومشروبات. شوكولاته وشاي وصودا وتواشيح وكتب أكل ونصائح للاطفال وكورة واتوبيسات وافلام وموسيقى واغاني… حياتك بالكامل بتفتكرها، ولحظات مكنتش متخيل ان في حد مركز اوي معاك وهايجيبهالك زي ما كنت بتعيشها.
ده التاريخ غير الرسمي للشعب المصري. التاريخ اللي للأسف بيشترك في انهياره غالبًا هو تدخل البيروقراطية والسلطة والفساد.
الغلاف مش حلو خالص وأتمنى انه يتغيَّر في الطبعات القادمة.
أتمنى ان يبقى في أجزاء كتير تانية الكاتب يعملها.
اترك رد