التقييم: 5/5
أشهر رواية للكتابة فرنسين ريفرز.
الرواية عبارة عن محاكاة لقصة من الكتاب المقدس (العهد القديم تحديدًا) بتتكلم عن النبي هوشع وزواجه من سيدة زانية. الرواية ليست دينية.
الرواية رائعة بشكل كبير، الشخصيات والاحداث والترجمة.
سبق وقرأت روايتن للكاتبة: “صوت في الريح”، “صدى في الظلام” وهما الكتاب الاول والثاني من سلسلة “علامة الأسد”.
قراءة الرواية هاتخليك تبص لموضوع الزواج بشكل مختلف.
Leave a Comment
مجرد بوستات على الفيس اتحطت في كتاب. ينفع للناس اللي مش بتحب القراءة، لانه يعتبر وجبة خفيفة للتسلية. الكتاب سطحي ومجرد تكرار لقصص مكتوبة بشكل وعظي (عظات).
Leave a Comment
التقييم: 0/5
شيء ملهوش أي لازمة. كتاب تافه. مليء بالألفاظ الغير أخلاقية. غير مترابط. لا يوجد أي منطق أو هدف في الأحداث.
العذر الوحيد ان الكتاب هو ثاني أعمال الكاتب، وأول عمل أقرأه له (لصغر حجمه). ولكني سأبدأ بالترتيب بداية من طه الغريب حتى #انستا_حياة، علشان أكوِّن رأيي بالكامل إذا كنت سأقرأ له مستقبلًا أم لا.
لا أنصح بقرأتها.
التقييم: 4/5
عجبتني الرواية، وأنا كنت أجبرت نفسي إني أقرأ الرواية بعد صدمتين في الفيل الأزرق و 1919. وأنا كنت قرأت لأحمد مراد -بالترتيب- تراب الماس ثم الفيل الأزرق ثم 1919 ثم فيرتيجو. وأظن اني هافضل مدة طويلة علشان أقرأ “أرض الإله”.
الثلث الاول مليء بالتفاصيل وممكن الناس تحس بالملل شوية، ولكن بعد كده الدنيا ماشية. كان في وصف طووووويل للكازينو وأجوائه، بس كان حلو، يخليك تاخد خلفية معلوماتية حلوة.
الثلاث محاور بتاعة الرواية هي الفساد والعدالة وقصة حب -على الهامش. الأسلوب هادي في السرد. والكوميديا حلوة. أحلى جزء استمتعت به هو الحوار بتاع “أحمد” و”عمر” و”حسين” على القهوة. زعلني بس كمية السخرية من “التُخان” طوال الرواية واللي كان بيمثلها شخصية صديق البطل “عمر”. عجبني الانتقام من “طارق” اللي كنت نسيته تمامًا اثناء الرواية ولم أتذكره غير في آخر كام صفحة.
عجبني الغلافين دول، وعجبني الخط اللي تم استخدامه في المسلسل (لم أشاهد المسلسل). الحبكة بتاعة رواية “تراب الماس” كانت أفضل من “فيرتيجو”.