قوة العادات” لماذا نفعل ما نفعله في الحياة الشخصية والعملية؟ – تشارلز دويج

 

التقييم: 5/5

مُبهر. كتاب مهم لكل شاب لسة طالب أو لسة متخرج. لكل شخص اليأس تملكه وأصبحت حياته سلسلة من آلالام الفشل والصعوبات. الكتاب ده هو خطوتك الأولى لتبدأ مسيرتك في السيطرة على حياتك.

هاتعرف ازاي تكوِّن العادة، وازاي تتخلص منها. هاتعرف ان بعض أساليب الاعلانات وكيفية اقناع الجمهور انه يشتري المنتج، بل ويبقى المنتج ده هو رمز للعادة دي، على سبيل المثال، رمز النظافة “ديتول”، رمز الاسنان البيضاء “سيجنال”… الخ

هاتتعرف على تجربة ناجحة لشركة في مجال الصلب وازاي المدير الجديد رفع من انتاجية الشركة بصورة مبهرة فقط عن طريق تكوين عادات محددة عند العمال بتوع المصنع، وانه ازاي بسبب هذه العدادات اصبح معدل الاصابات في المصنع يقترب من صفر.

هاتعرف شركات كبير زي مثلاً “تارجت” او ما يشبهها “وولمارت” ازاي بتجمع البيانات عن عملائها علشان يستهدفوا كل عميل على حدى بالحاجات اللي اكيد عاوز يشتريها.

هاتتعرف على سر نجاح محطم الارقام القياسية السبَّاح الاوليمبي “مايكل فيلبس”.

من الكتب القليلة اللي بعد قرائتها شعرت زي ما بيحصل في أفلام الكارتون لما بيظهر مصباح كهربائي أعلى الرأس ويُضئ.